Friday April 20, 2018
ఎన్నికలకు ముందే కమల్ హసన్ కొత్త పార్టి..? - Tollybeats

ఎన్నికలకు ముందే కమల్ హసన్ కొత్త పార్టి..?

Updated | September 15, 2017 11:06 IST

రాజకీయాల్లోకి ప్రవేశించినట్టే అని కమల్ హాసన్ ఇది వరకే ప్రకటించాడు. అలాగే కేరళ సీఎం పినరాయి విజయన్ తో సమావేశంతో కమల్ రాజకీయంగా మరింత ఆసక్తిని రేకెత్తించాడు. దక్షిణాది రాజకీయాల్లో సినీనటులు చెరగని ముద్రను వేసిన నేపథ్యంలో కమల్ పొలిటికల్ ఎంట్రీ ఆసక్తికరంగా మారింది. మరి ఈ నేపథ్యంలో కమల్ రాజకీయాల వైపు వడివడిగా అడుగులు వేస్తున్నాడని తెలుస్తోంది. త్వరలో జరగనున్న తమిళనాడు స్థానిక ఎన్నికల్లో కమల్ హాసన్ పార్టీ పోటీ చేస్తుందనేది. రాజకీయంగా ఈ పరీక్షను ఎదుర్కొనడానికి కమల్ సమాయత్తం అవుతున్నాడట. స్థానిక ఎన్నికలకు ముందే కమల్ పార్టీ అనౌన్స్ మెంట్ ఉంటుందని సమాచారం. మొత్తం నాలుగువేల మంది అభ్యర్థులతో కమల్ తన పార్టీని స్థానిక సంస్థల ఎన్నికల్లో పోటీలో నిలుపుతాడని వార్తలు వస్తున్నాయి.

మరి అదే జరిగితే కమల్ రాజకీయంగా కొత్త సమీకరణానికి తెరలేపినట్టే.జయలలిత మరణానంతరం తమిళనాట ఏ ఎన్నికలూ జరగలేదు. ఆమె మరణానంతరం ఆర్కే నగర్ నియోజకవర్గానికి ఉప ఎన్నిక జరగాల్సి ఉన్నా.. భారీ ధన ప్రవాహంతో అది పోలింగ్ వరకూ వచ్చి రద్దు అయ్యింది. ఇలాంటి నేపథ్యంలో స్థానిక సంస్థల ఎన్నికలు తమిళనాడు రాజకీయ పరిస్థితిని తేటతెల్లం చేయనున్నాయి. ఆ ఎన్నికలను తమిళనాడులోని అన్ని రాజకీయ వర్గాలూ ప్రతిష్టాత్మకంగా తీసుకుంటున్నాయి. తమ సత్తాను చూపడటానికి ఉబలాటపడుతున్నాయి. వీటిల్లో కమల్ కూడా అభ్యర్థులను నిలుపుతాడట. ఈ ఎన్నికల్లో తన పార్టీ సత్తాకు తొలి పరీక్షను పెట్టుకుని, అసెంబ్లీ ఎన్నికలకు అందుకు తగ్గట్టుగా ప్రిపేర్ అవుతాడని సమాచారం.

SHARE