Saturday November 17, 2018
అచ్చు సవిత్రిలానే ఉందట..! - Tollybeats

అచ్చు సవిత్రిలానే ఉందట..!

Updated | September 12, 2017 08:32 IST

భారతీయులు గర్వించదగ్గ నటీమనుల్లో మహానటి సావిత్రి ఒకరు. గత కొద్దిరోజులుగా ఈ మహానటి జీవిత కథ ఆధారంగా బయోపిక్ మూవీని తెరకెక్కించడానికి ప్రయత్నాలు జరుగుతూ వస్తున్నాయి. కాగా సావిత్రి జీవితంలో కీలక ఘట్టాలపై హోమ్ వర్క్ చేసిన దర్శకుడు నాగ్ అశ్విన్ ఈ ప్రాజెక్ట్‌ను డీల్ చేయడానికి సిద్ధపడ్డాడు.అలనాటి మేటినటి సావిత్రి బయోపిక్ మూవీ ‘మహానటి’ షూటింగ్ ఇటీవల ప్రారంభమైంది. ‘ఎవడే సుబ్రహ్మణ్యం’ చిత్రంతో విమర్శకుల ప్రశంసలను అందుకున్న దర్శకుడు నాగ్ అశ్విన్ ఈ చిత్రాన్ని తెరకెక్కిస్తుండగా.. ప్రముఖ నిర్మాత అశ్వినీదత్ కుమార్తె స్వప్న దత్ నిర్మిస్తున్నారు.

సావిత్రి పాత్రలో కోలీవుడ్ స్టార్ హీరోయిన్ కీర్తి సురేష్ నటిస్తున్న సంగతి తెలిసిందే.. కాగా ఈ సినిమాలో కీర్తి లుక్‌కు సంబంధించిన ఫోటోలు ఇప్పుడు సోషల్ మీడియాలో హల్ చల్ చేస్తున్నాయి. విశాలవంతమైన నుదురుపై ఎరుపు రంగు బొట్టు, కళ్లకు కాటుక, వాలు జడను కొప్పుగా మలిచి.. 80ల కాలం నాటి హీరోయిన్ మాదిరి ఆభరణాలు ధరించి వెరైటీ లుక్‌తో కుందనపు బొమ్మలా తయారైంది కీర్తి. ప్రస్తుతం ఈ ఫోటోలు సోషల్ మీడియాలో వైరల్‌ అవుతున్నాయి.

ఇక ‘మహానటి’తారాగణం విషయానికి వస్తే.. ఈమూవీలో మరొక స్టార్ హీరోయిన్ సమంత కీలక పాత్ర పోషించనున్నారు. అలాగే స్టార్ హీరో దుల్కర్ సల్మాన్ కూడా సావిత్రి భర్త జెమినీ గణేశన్ పాత్రలో కనిపించనున్నాడని తెలుస్తోంది. ప్రకాష్ రాజ్, షాలిని పాండే, ప్రగ్యా జైస్వాల్, భానుప్రియ, రాజేంద్రప్రసాద్‌లు ఈ మూవీలో కీ రోల్ చేస్తుండగా.. తాజాగా ‘అర్జున్‌రెడ్డి’ ఫేమ్ శాలినీ పాండే జాయిన్ అయినట్టు సమాచారం. తెలుగు, తమిళ, మలయాళ భాషల్లో ఒకేసారి తెరకెక్కుస్తున్న ఈ మూవీకి మిక్కీ జె మేయర్ మ్యూజిక్ అందిస్తున్నారు

SHARE